आज फेरि आमा तिम्रो , धेरै याद आयो !
ममताको चर्चा जहाँ , त्यहीँ - त्यहीँ याद आयो !!
तिम्रो याद आउँदा आमा , रसाउँछन परेली !
जति सम्झ्यो त्यति बढ्ने , सम्झना को वेलि !!
दिन - रात एकैनास , बढी नै रहने !
यी आँखा को परेलिमा छाई नै रहने !!
आज फेरि .........................!
ममताको ...........................!!
खुसिका दिन आउँथे अरे , माँगे जति मिल्थ्यो अरे !
तिम्रो आँचल ओढि सुत्दा , सबै खुसी मिल्छ अरे !!
आफ्नो त कर्मै खोटो , रुँदै बस्नु पर्यो !
जिन्दगी को प्यारो साथी , अश्रुधारा बन्यो !!
आज फेरि ............... !
ममताको ...................!!
तिम्रो आँचल संगै सबै , खुसिहरु उडि गए !
तिम्रो हात छुट्दा आज , भुई को धुलो सरि भएं !!
रहरहरु उड्दै गए , आशाहरु मर्दै गए !
जिन्दगी को संघर्ष मा , अहिलेसम्म हार्दै आँए !!
अस्तु :
सुशील रावत
