काठमाडौं । काठमाडौं देशकै ठूलो महानगरपालिका हो । तर विडम्बना काठमाडौं जस्तो ठूलो महानगरपालिका, देशको राजधानी र प्रमुख सहरका सडकहरुको अवस्था अहिले पनि अस्तव्यस्त र दयनीय छ।
कतै खाल्डाखुल्डी त कतै हिलाम्मे र धुलाम्मे बाटो । चिल्लो सडकको व्यवस्थापन र निर्माण त परको कुरा पुनःनिर्माणको कामसमेत सरकारी निकायहरूले गर्न सकेका छैनन् ।
पुराना सडकहरूमा बिच्छ्याइएको कालोपत्रे उक्किएको छ । बाटोमा खाल्डाखुल्टी छ । त्यही खाल्डाखुल्डी र अव्यवस्थित सडकले कति दुर्घटना निम्त्याएको हुन्छ । तर व्यवस्थापन भने हुन सक्दैन ।
